O Le Tusigaigoa 2023 2023 Census information in Gagana Samoa

Saʻili po ‘o le a le tusigaigoa, aisea tatou te faia ai, pe faapefea fo‘i ona e auai.

O Le Tusigaigoa 2023 2023 Census information in Gagana Samoa

Saʻili po ‘o le a le tusigaigoa, aisea tatou te faia ai, pe faapefea fo‘i ona e auai.

O le a le tusigaigoa What is the census

O le tusigaigoa o se suʻesuʻega a le atunuʻu e faia i le taʻi lima tausaga. O se faitauga aloaʻia a tagata uma i Aotearoa Niu Sila, ma nofoaga latou te nonofo ma aumau ai (fale).

O le isi tusigaigoa e soso o le Aso Lua, 7 Mati 2023.

E fesoasoani le Tusigaigoa i tagata uma ina ia malamalama i le fesuiaʻiga o iai Aotearoa Niu Sila i le faʻagasologa o taimi. E fesoasoani foʻi i le mālō ma isi faʻalapotopotoga e fuafua ai ʻauʻaunaga mo tagata ma nuʻu, e pei o falemaʻi, aʻoga, ma femalagaʻiga lautele.

O ai e tatau ona faia le tusigaigoa Who needs to do the census

O tagata uma o loʻo iai i Aotearoa Niu Sila i le aso o le Tusigaigoa, Aso Lua 7 Mati 2023 e tatau ona ʻauai i le tusigaigoa. E aofia ai:

  • tagatanuʻu Niu Sila
  • tagata nofomau i Niu Sila
  • tagata mai fafo o aumau i Niu Sila
  • tagata asiasi mai fafo i Niu Sila.

E tatau lava ona e faʻatumuina le tusigaigoa pe afai e:

  • te nofo i se nofoaga e lē ʻo se fale
  • te iai i le falemaʻi
  • leai sou tuatusi
  • te faimalaga pe faigaluega i totonu o Niu Sila.

O mea e fesiligia ai oe i le tusigaigoa What you are asked in the census

O le tusigaigoa e fai ai fesili e uiga ia te oe,o lou fale (le mea e te nofo pe aumau ai), ma soʻo se isi tagata o loʻo nonofo pe aumau i lou fale.

O faʻamatalaga matou te aoina mai ia te oe, o loʻo tuʻufaʻatasia ma tali mai tagata uma e maua, ina ia tapena ai faʻamaumauga ma fuainumera e uiga i nofoaga ma nuʻu i Aotearoa Niu Sila.

E puipuia e Stats NZ au faʻamatalaga ma lou faʻasinomaga. Matou te faatulaga le auala e mautinoa ai e lē mafai ona faʻailoaina oe i faʻamaumauga matou te faʻasalalau.

Matou te lē faʻasoaina au tali i soʻo se tasi. E oo foi i faʻalapotopotoga a le mālō e pei o le Ministry for Social Development, Kainga Ora, NZ Police, po ʻo le Inland Revenue, e lē tuu iai se faamaumauga se tasi.

Auala e maua mai ai au pepa o le tusigaigoa How you will get your census forms

O le ʻa lafoina atu e Stats NZ ia te oe faʻamatalaga e uiga i le tusigaigoa ma le auala e te auai ai.

  • I nisi vaega o Niu Sila, o le ʻā asiasi atu se tagata faigaluega o le tusigaigoa ia te oe e momoli uma atu pepa faʻatumu ma se tusi e iai se faʻailoga faʻalilolilo e fai ai le tusigaigoa i luga o le laina.
  • I isi vaega o Niu Sila, e na ʻo le lafo i fale o se tusi e iai se faʻailoga faʻalilolilo e fai le tusigaigoa i luga ole laina.

E mafai ona e faia le tusigaigoa i luga o upega tafaʻilagi po ʻo le faatumu o le pepa You can do the census online or on paper

Po ʻo le a lava le mea e maua atu e lou fale, e mafai lava ona e filifili e fai le tusigaigoa i luga o le upega tafaʻilagi po ʻo faatumu o le pepa.

Afai e te lē mauaina pepa faʻatumu i lou fale, pe e te manaʻomia foʻi nisi, e mafai ona e talosaga mai ia i matou e leai ma se totogi.

E maua pepa faʻatumu i luga o le upega tafaʻilagi i le gagana Peretānia ma gagana e lua o le gagana Maoli / Peretānia. E maua foʻi pepa i le gagana Peretānia i le faʻatulagaga Lolomi Tetele.

O le taimi e faʻatumu ai au pepa o le tusigaigoa When to complete your census forms

E mafai ona e faʻatumu au pepa o le tusigaigoa i le taimi lava e te maua ai. Taumafai e fai i le aso po ʻo luma mai o le Aso o le Tusigaigoa i le Aso Lua, 7 Mati 2023.

A e faʻatumu au pepa o le tusigaigoa, ia fai faʻatatau i le nofoaga e te aumau ai i le po o le Aso Lua, 7 Mati 2023.

E mafai lava ona e faʻatumuina pe ʻā uma le Aso o le Tusigaigoa.

Pe faʻapefea ona faʻatumu au pepa o le tusigaigoa How to complete your census forms

O le tusigaigoa e aofia ai pepa faʻatumu e lua.

  • O le tasi e faʻatatau i lou fale. E taʻua lea pepa o le Dwelling Form. E na ʻo le tasi le tagata i fale taʻitasi e manaʻomia na te faʻatumuina lenei pepa. Afai o tou nonofo ma isi, siaki po ʻo ai na te faʻatumuina.
  • O le tasi e faʻatatau ia te oe. E taʻua lea pepa o le Individual Form. E tatau i tagata taʻitoaʻtasi uma i totonu o se fale ona faʻatumu se Individual Form. E tatau i mātua po ʻo tausi tagata ona siaki po ʻo ua faʻatumu se Individual Form mo tamaiti, e aofia ai pepe.

Auala e maua ai se fesoasoani mo le faʻatumuina o au pepa o le tusigaigoa How to get help to complete your census forms

Afai e te manaʻomia se fesoasoani e faʻatumu au pepa o le tusigaigoa, e mafai ona e fesili i se tasi e te faʻatuatuaina e fesoasoani ia te oe e pei o se:

  • uo
  • tagata o le aiga
  • tagata faigaluega o le tusigigoa e aoina pepa.

E mafai ona e telefoni fua ile laina fesoasoani mo le tusigaigoa. E mafai ona e fesili mo se tasi e tautala i le gagana:

  • Māori
  • Sāmoa
  • Toga
  • Mandarin
  • Cantonese
  • Korea
  • Hindi
  • Punjabi.

O au faʻamatalaga ma tulaga faalilolilo Your information and privacy

Matou te teuina faʻalilolilo ma le saogalemu au tali e te tuʻu mai ia i matou. Matou te faia lenei mea e ala i le faʻaaogaina o tulafono ma tulaga faʻapitoa, ma le faʻaaogaina o le tele o faʻamaufaʻailoga o le saogalemu. E leai se tasi e mafai ona iloaina oe po ʻo au tali i fesili o le tusigaigoa pe ʻā matou faʻasalalau faʻamaumauga o le tusigaigoa.