Te Wareaomata ibukin 2023 2023 Census information in Kiribati
Reireiniko bwa ko aonga n ataia bwa tera te wareaomata, tera bukina ngkai e karaoaki, ao ko na kanga ni karaoia.
Te Wareaomata ibukin 2023 2023 Census information in Kiribati
Reireiniko bwa ko aonga n ataia bwa tera te wareaomata, tera bukina ngkai e karaoaki, ao ko na kanga ni karaoia.
Tera te wareaomata What is the census
Te wareaomata bon te mwakuri ni kakae ae e kakaraoaki ni katoa nimaua te ririki. A warekaki ao a tauaki mwia aomata ni kabane i aon Aotearoa Nutiran, ao n taabo ake a maeka ke a mena iai (mwengaia nako).
E na karaoaki te wareaomata n te Kauabong, 7 ni Maati 2023.
E ibuobuoki te wareaomata ni kaotaia aomata aron taian bitaki i aon Aotearoa Nutiran. E ibuobuoki naba nakon te tautaeka ao rabwata nako ni mwakuri i aon karaoan babaire ibukin karaoan buoka nakoia aomata ma taian community, n aron te onaoraki, taabo n reirei ao ai baao ni mwamwananga.
Antai aika a na riai ni karaoa te wareaomata Who needs to do the census
A riai ni karaoa te wareaomata aomata ni kabane aika a mena i aon Aotearoa Nutiran n tain te wareaomata, n te Kauabong 7 ni Maati 2023. N aroia:
- kain Nutiran (citizens)
- koraki aika a kona ni maeka i aon Nutiran (New Zealand permanent residents)
- koraki aika a maeka i aon Nutiran ma bon kain aaba tabeua
- Irua ma i abatera aika a mena i aon Nutiran
Ko na bon riai naba ni karaoa te wareaomata ngkana:
- ko maeka n te tabo ae tiaki te auti
- ko mena n te onaoraki
- akea am address ke am tabo ni maeka
- ko mwananga ke ko mwakuri i aon Nutiran.
Tera baika ko na titirakinaki n te wareaomata What you are asked in the census
N te wareaomata ao titiraki a na kaineti nakoim, mwengam (te tabo ae ko maeka ke ko mena iai), ao aomata aika a mamaeka ke a memena iroum ni mwengam.
A na bane n ikotaki rongorongo aika ti karekei ma iroum, ma rongorongoia aomata nako bwa a aonga n reke rongorongo ni kabane aika a kainanoaki ibukin taabo ma taian community i aon Aotearoa Nutiran.
Stats NZ e na kawakina raoi rongorongom ma kinakim. Ti na taraia raoi bwa ko na bon aki kona ni kinaki man rongorongo aika ti katanoatai ke ni kanakoi ibukin taian kaongora.
Ti aki kona n tibwai am reke ma aomata tabeman. N ikotaki ma rabwatan nako te tautaeka n aron te Ministry for Social Development, Kainga Ora, NZ Police, ke Inland Revenue.
E na kanga n reke iroum te boma ibukin te wareaomata How you will get your census forms
Stats NZ e na kanakoa nakoim rongorongon te wareaomata ma aron karaoana.
- N tabeua aonon Nutiran, ao e na iai te tia mwakuri n te wareaomata ae e na kawariko n anganiko te boma ae te beba ao te reta ae kanoana te access code ibukin karaoan te wareaomata i online.
- N tabeua aonon Nutiran, e na ti kanakoaki te reta ae kanoana te access code nakon taian mwenga ibukin karaoan te wareaomata i online.
Ko kona ni karaoa te wareaomata i online ke i aon te beba You can do the census online or on paper
Tera ae e roko ni mwengam ibukin te wareaomata, ko kona n rinea nanom bwa ko na karaoia i online ke i aon te boma ae te beba.
Ngkana e aki roko ni mwengam te boma ae te beba, ko kona n otanna ma iroura n akea bona.
Uoua te taetae ae e kabonganaki ibukin te wareaomata i online ke i aon te boma ae te beba bwa te taetae n Imatang ao te taetae n Māori/Imatang. Iai naba te boma ae te beba n te taetae n Imatang ae a bubura korean maniia.
Otanakin taian boma ae taian beba
Te tareboon ae e aki kaboaki: 0800 CENSUS (0800 236 787)
N ningai ae ko na kanoa iai te boma ibukin te wareaomata When to complete your census forms
Ko kona ni kanoa te boma ibukin te wareaomata n te tai are e roko iai iroum. Kataia karaoia n tain ke imwain te wareaomata n te Kauabong, 7 ni Maati 2023.
Ngkana ko kanoa te boma ibukin te wareaomata, kanoaia n te tabo are ko mena iai n tairikin te Kauabong, 7 ni Maati 2023.
Ko kona naba ni kanoaia imwin tian te wareaomata.
Ko na kanga ni kanoa te boma ibukin te wareaomata How to complete your census forms
Iai uoua taian boma ibukin te wareaomata.
- Teuana bon ibukin mwengam. E aranaki aio bwa te Dwelling Form (Boma Ibukin Te Mwenga). Ti temanna te aomata man mwengam ae e na riai ni kanoa te boma aio. Ngkana ko maeka ma tabeman, rineia bwa antai ae e na karaoa te itera aio.
- Are teuana bon ibukim. E aranaki aio bwa te Individual Form (Boma Ibukin Temanna Te Aomata). E na kanoaki te boma aio irouia aomata ni kabane aika a maeka n te mwenga. Tabemi kaaro bwa kam na kanoa te boma aio ibukia ami ataei ke natimi, n ikotaki ma aika a uarereke.
- te bwai ae e kona ni katomako ma te internet, n aron te smartphone, kaombiuta, ke te tablet
- e na iai am internet
- Te access code ae e a tia ni katauaki ibukin mwengam, e na reke i aon te reta ibukin te wareaomata.
- Kauka am internet browser i aon am smartphone, tablet, ke am kaombiuta.
- Taibina www.census.govt.nz ao nakon ana website te wareaomata.
- Kotea te bwatin ae e kangai ‘Start your census’.
- Karina ana access code mwengam.
- Kotea te bwatin ae ‘Start’.
- Ti temanna te aomata man mwengam ae e na kanoa te Household Setup Form. E riai ni kanoaki moa aio.
- Ti temanna man mwengam ae e na kanoa te Dwelling Form (Boma Ibukin Te Mwenga).
- E na kanoaki te boma ae te Individual Form (Boma Ibukin Temanna Te Aomata) irouia aomata ni kabane aika a maeka ni mwengam.
- kotea te bwatin ae ‘Submit’ ngkana ko a tia ni kanoai ni kabane taian boma
- tai kaina ke n refresh taian page ngkana ko kanoa te boma
- tai kamotirawa kanoakin te boma n te maan ae e riaon 20 te miniti.
- te Household Setup Form
- te Dwelling Form (Boma Ibukin Te Mwenga)
- te Individual Form (Boma Ibukin Temanna Te Aomata) ibukia aomata ni kabane aika a maeka ni mwengam.
- kabongana te kai ni koroboki ae e roro ke e buruu tanena
- koroboki n te MAN NI KOROBOKI AE E BUBURA
- korea am reke ke am kaeka n te taetae n Imatang ke te taetae n Māori
- noori taian Kaetieti (Guide Notes) ibukin buokam.
- am Dwelling Form (Boma Ibukin Te Mwenga)
- te Individual Form (Boma Ibukin Temanna Te Aomata) ibukia aomata ni kabane aika a maeka ni mwengam.
Ngkana ko na karaoa te wareaomata i online, ko na kainanoi baikai:
Te access code are e a tia ni katauaki ibukin mwengam
Am access code e kona ni kuneaki i aon te reta ibukin te wareaomata ao te code aio bon 12 mwaitina bwa taian nambwa ae a irengan ma taian man ni koroboki.
E ti kona ni kabonganaki irouia aomata aika a maeka ke a mena ni mwengam.
Ngkana e bua am access code, ko kona ni manga bubuti karekean teuana ma iroura.
Te tareboon ae e aki kaboaki: 0800 CENSUS (0800 236 787)
Bubuti karekean te access code i online.
Aron karekean te boma i online
Ira nanon taian kaetieti aikai ibukin karekean te boma i online.
Ko a kona ngkanne ni karekea te boma ibukin te wareaomata ibukin mwengam.
Kanoakin am boma i online
I online ao iai te kateniua ni boma, ae te Household Setup Form. Aio ibukin kamatoan am address ao araia aomata aika kain mwengam.
Ngkana ko a tia ni kanoa am boma ibukin te wareaomata i online:
Ko ataia bwa e a tia karaoan te wareaomata 2023 i online ngkana mwengam e a tia ni kanakoa:
Kanoakin am boma ae te beba
Ngkana ko kanoa am boma ae te beba:
Kaokakin am boma ae te beba
E na reke iroum te tinaniku n reta ae akea boona ae raon am boma ae te beba.
Are nanona bwa ngkana ko a tia ni kanoai ni kabane am boma ae te beba, ko kona ni merinna nakon Stats NZ n akea boona. E aki naba kainanoa te titambwa bwa ko na kanimwa n te tinaniku.
Tuoia raoi bwa a boni babane n rinnako taian boma i nanon te tinaniku imwain ae ko kanakoa. Taiaoka kaokia nakon Stats NZ:
Ko kona naba n tuangira bwa e na roko kawarakim ibukin anakin am boma.
Te tareboon ae e aki kaboaki: 0800 CENSUS (0800 236 787)
Ko na kanga ni karekea buokam ni kanoan te boma ibukin te wareaomata How to get help to complete your census forms
Ngkana ko kainanoa buokam ibukin kanoan te boma ibukin te wareaomata, ko kona ni butia te aomata ae ko onimakinna n aron:
- raoraom
- kain am utu
- te tia rikoi taian boma ni wareaomata.
Ko kona n tarebonia te tabo ni wareaomata n aia nambwa n ibuobuoki ae e aki kaboaki i aon 0800 CENSUS (0800 236 787)
Ko kona naba n titirakina ae e kona n taetae n:
- Māori
- Samoa
- Tonga
- Mandarin
- Cantonese
- Korea
- Hindi
- Punjabi.
ai te ibuobuoki ae ti na karaoia ngaira kain te tiim ni wareaomata n aono aika a kakaokoro bwa buokaia aomata ni karaoa te wareaomata.
Rongorongom ao aron kawakinaia Your information and privacy
Ti kawakin raoi baika ko korei bwa am reke. Ti karaoa aio n ira nanon te tua ma te kaetieti, ao aaro ni katantan aika a bati aroia. Akea ae e kona ni kinako ke n atai am reke ni kaineti ma titiraki ibukin te wareaomata ngkana ti a kaotinakoa rongorongon te wareaomata.
