Tatau tātou

Tatau tātou

I kati te Tatauranga i te 30 Pipiri

Ka nui rā te mihi ki a koutou katoa i ngā hapori puta noa i Aotearoa, mō koutou i whai wāhi mai. Ka kitea te putanga tuatahi whai mana o ngā raraunga tatauranga hei te marama o Haratua 2024.

Te take e mahi nei mātou i te tatauranga, te take hoki i hira ai

Mā te whakaoti i te tatauranga, ka puta he whakaahua mārama kē atu o ō hiahia, o ngā hiahia hoki o tō whānau me tō hapori.

Mā te mōhio ki ēnei hiahia, ka taea e ngā hinonga kāwanatanga, ngā kaunihera, ngā iwi, ngā rōpū hapori me ngā umanga te whakamahere mō te urupare tika.

Mā ō whakautu ki te tatauranga, me ā te katoa, ka āwhinatia ngā rōpū pēnei ki te āwhina i a tātou katoa.

He kaupapa hou mō te Tatauranga 2023

He maha ngā wāhanga o te Tatauranga 2023 he taurite ki ō mua tatauranga. Heoi anō, kei te whai mātou i ētahi ara hou, i ētahi o ōna wāhanga. Mā ēnei mahi hou, ka ngāwari kē atu te whai wāhi mai o te katoa, ā, ka kitea ō tātou āhuatanga katoa i roto i ngā raraunga ka kohia.

Te tiaki i ō mōhiotanga kia tūmataiti, kia haumaru, kia matatapu hoki

He mea hira ō mōhiotanga. Nā reira ka tiakina e mātou kia tūmataiti, kia haumaru, kia matatapu hoki.

Ka whakarōpūtia e mātou ō whakautu kia hanumi ki roto i ngā whakautu o te katoa i mua i te tukunga ki te ao. E kore e taea e tētahi tangata ō whakautu takitahi te kite.

Kua āhei mātou ki te uru ki ngā kohinga kōrero hira ki a mātou, me te whakamahi i aua kōrero kia pai ake ai tā mātou haumi moni, te whakatau take hoki mō ngā mahi whare, hauora hoki o tō mātou iwi.

Willie Te Aho

Toitū Tairāwhiti Housing Limited