Ngā reo me ētahi atu hōputu
Ka taea tēnei te tirotiro mā te reo Ingarihi/mā te reo Māori rānei.
Kei te taka mātou i ētahi mōhiotanga i te huhua o ngā reo.
Kei te āwhinatia ō raraunga i tō hapori
Whakamahia ai ēnei raraunga e ngā hinonga kāwanatanga, ngā kaunihera, ngā iwi, e ngā rōpū hapori me ngā umanga kia whakatau take e pā ana ki ngā ratonga ka whakamahia e tātou katoa, me te whakamahere mō aua ratonga.
Mā te whai wāhi atu ki te tatauranga kei te āwhina koe kia mārama kē atu te tangata mō tō hapori me ōna hiahia.
He aha te tatauranga?
He uiuinga ā-motu te tatauranga hei tatau i te maha o ngā tāngata me ngā whare kei Aotearoa. He kapohanga whakaahua tēnei o tō tātou ao tangata i tēnei wā tonu. Ka tū tētahi tatauranga ia rima tau, ā, ko te tatauranga whai i muri hei ngā marama tuatahi o 2023.
Ka noho matatapu, ka noho haumaru hoki ngā mōhiotanga mōku?
Kei te mōhio mātou he mea hira ngā kōrero mōu, ki a koe. He tino hira hoki ki a mātou te tautiaki i ngā kōrero mōu, e noho māia ai koe ki te tuku mai i ngā kōrero mōu ki a mātou. Ina whai wāhi atu koe ki te tatauranga, ka puta ētahi kauparenga, hātepe hoki kia tūmataiti, kia haumaru, kia matatapu hoki ngā kōrero mōu.
He aha ngā mea hou i te Tatauranga 2023?
Kua whakaurua e mātou ētahi panonitanga kia ngāwari atu ai tō whāinga wāhi ki te tatauranga e whai ake nei. Ka nui kē atu ngā pukapuka pepa, ā, ka kaha ake te tautoko i te tangata kia uru ki te tatauranga. Kua whakatūria hoki e mātou ētahi tira tō mai i te hapori, e mahi tahi nei me aua hapori ki te akoako i a rātou ki ngā āhuatanga o te tatauranga.