Tatau tātou
Whakarongo ki ngā pūrākau o ngā hapori puta noa i Aotearoa kua whiwhi painga i ngā momo raraunga e kohia ana i roto i te tatauranga.
Tatau tātou
Whakarongo ki ngā pūrākau o ngā hapori puta noa i Aotearoa kua whiwhi painga i ngā momo raraunga e kohia ana i roto i te tatauranga.
Hei aawhina te raraunga i te toiora hapori
Naa ngaa moohiotanga tatauranga ka kitea eetahi whaanau 11,000 i Raahui Pookeka e hiahia tautoko ana. Naa eenei kitenga a Tiana Matatahi i whakahihiko kia whakatuuria Pookekatia Te Iwi, kia whai tautoko ai raatou.
Hei aawhina eenei moohiotanga tatauranga i te iwi, i te hapuu, me te whaanau. Noo te katoa te tatauranga.
Kyly Anne Callaghan
Pookekatia Te Iwi
Ka āwhina te raraunga i te rangatahi kia hono ki ngā whāinga wāhi ki te mahi
Ka whakamahia ngā mōhiotanga tatauranga e James Parker o Hāwera Welding Contractors hei rapu rangatahi i roto i Taranaki e hiahia ana ki te mahi, hei rapu hoki i te wāhi e noho rā rātou.
Inā noa atu te panonitanga o te āhua o te noho mō ētahi o aku kaimahi, kua tahuri ki te hoko whare, kua tae tika mai ki te mahi, kua mōhio ki te painga o te whāinga moni mō rātou, e kaha ai rātou ki te hoko taonga mō rātou. He mea hira tēnei mō te noho a
James Parker
Kaihautū Whakahaere, Hāwera Welding Contractors
Hei āwhina tēnei mea te raraunga i a tātou kia tūhono i ngā whānau ki te hiko ngāwari noa te utu
Nā ngā raraunga tatauranga a Ezra Hirawani, a Ben Armstrong me Nau Mai Rā i āwhina kia tukua he hiko ngāwari te utu ki ngā whānau puta noa i Aotearoa.
Mehemea he raraunga whāiti pai tā tātou mō ngā pīkauranga nui i runga i ngā whānau, ka taea te hanga rongoā hāngai, me te whakatau tikanga hei whakamāmā i aua raruraru.
Ezra Hirawani
Nau Mai Rā
Hei tautiaki tēnei mea te raraunga i ō tātou reo
I roto i ngā mōhiotanga mai i te tatauranga i kitea i te heke iho te tokomaha o te hunga matatau ki te kōrero i te reo Niue i Aotearoa.
Nā ēnei raraunga i āwhina ngā mahi a Mele Nemaia me te Rōpū Kaitiaki o Vagahau Niue ki te tautoko i te whakatuwheratanga o te wāhanga reo rua tuatahi i te kura o Favona. I konei, ka ako ētahi atu tamariki ki te kōrero i te reo Niue, ka ora hoki to mātou ahurea.
Nā ngā raraunga i kohia i puta ai he whāinga wāhi whakatupu i tō mātou reo, i puta ai he tomokanga mō te iwi katoa kia rere whakamua.
Mele Fakatali Tiakia Nemaia
Vagahau Niue Trust
Nā ngā raraunga i āwhina te hapori o Te Tairāwhiti kia hangaia ētahi atu whare
Me kore ake te whakamahi raraunga mō te tū o te whāinga whare me te hauora tangata, i taea e Willie Te Aho me Toitū Tairāwhiti Housing Limited te mahi tahi me te kāwanatanga kia whakatūria ētahi whare 51 hou i Te Tairāwhiti. Arā anō ētahi whare 150 ākuni ka whakatūria.
He mea hira te raraunga. Hei tūāpapa ngā kōrero pono mō ngā hiahia o ō tātou whānau, ā, ina mārama tātou ki ngā hiahia, ka ngāwari kē atu tā tātou whakatutuki i aua hiahia.
Willie Te Aho
Toitū Tairāwhiti Housing Limited
Ka āwhinatia a Whānau Āwhina Plunket e ngā raraunga kia tautokona ngā tamariki me ō rātou whānau
He rōpū aroha a Whānau Āwhina Plunket (Plunket), ā, koia te ratonga tautoko rahi rawa mō te hauora me te toiora o ngā tamariki i raro i te rima tau me ō rātou whānau. Whakamahia ai e Plunket ngā raraunga tautauranga kia kimihia he pūtea hei whāngai i ana ratonga tautoko huri noa i te motu.
Mā ngā raraunga tatauranga ka taea e mātou te whakatau tata i ngā pāpātanga whānautanga, i ngā taumata korenga e whiwhi, i ngā momo iwi, me ngā panonitanga taupori. E inoi tonutia ana mātou e te hunga whāngai moni kia kōrero mō ēnei tawhā, nā reira he mea
Lisa Hawes
Regional Grants Specialist, Whānau Āwhina Plunket
Mā te raraunga e āwhina te rangatahi kia eke ki tō rātou tino teitei
E whakawhirinaki ana a Tuilaepa Youth Mentoring Services ki ngā mōhiotanga tatauranga kia mārama ki te āhua o te noho o te rangatahi i tōna hapori, e hiahia āwhina ana kia eke ki tō rātou tino teitei. I runga i tērā māramatanga, ka taea e rātou te tautohu i ngā momo tautoko e tika ana mā te rangatahi.
Mā ngā raraunga tatauranga kua whai reo koe, kia kitea mai koe.
Dale Rasmussen
Kaiwhakahaere Matua, Tuilaepa Youth Mentoring Service
Mā ngā raraunga ka āwhinatia te katoa
- he pēhea te pānga o te whare kāhekaheka, mākū hoki ki te hapori
- tokohia ngā tāngata kāore i te whai wāhi wātea ki te wai mā, ki ngā kura, ki ngā hōhipera rānei
- he pēhea te tupu o tēnei mea te hapori, he pēhea hoki i rerekē ai i roto i te wā, he aha hoki ngā ratonga ka whakamahia e rātou, ka hiahiatia hoki e rātou.
Whakamahia ai ngā mōhiotanga tatauranga e te kāwanatanga hei whakamahere i ngā ratonga hauora pēnei i ngā hōhipera, waihoki ngā kaiwhakarato ratonga hauora, pāpori hoki kia kauwhautia ngā painga o te whakapakari i aua ratonga hauora, pāpori i ngā wāhi e hiahiatia ana.
Whakamahia ai ngā mōhiotanga tatauranga e te kāwanatanga kia mārama me pēhea tāna whāngai moni ki ngā kura, tae atu ki ngā kaiako, me whakatū hoki aua kura ki hea.
Whakamahia ai ngā raraunga tatauranga e ngā kaunihera ā-rohe hei whakatatū i ngā wāhi tika mō ngā ratonga pāpori, pēnei i te whare pukapuka, i te papa tākaro rānei.
Whakamahia ai ngā raraunga tatauranga e ngā rōpū hapori me ngā whakahaere hei tautoko i ngā tono pūtea, hei kauwhau hoki i ngā whakapainga e tika ana mō ō rātou hapori. Whakamahia ai ngā tauanga taupori tatauranga e ngā karapu ā-rohe kia mārama rātou mehemea he rahi ngā tāngata hei whakatū tira hākinakina.
Whakamahia ai ngā raraunga e tō hāhi pea kia mōhio rātou mehemea he rahi ōna whare mō te hunga piri ki taua hāhi, kia mārama hoki ki ngā ratonga tērā pea e hiahiatia e ngā tāngata o ō rātou hapori.
Whakamahia ai ngā raraunga tatauranga e te kāwanatanga me ngā kaunihera ā-rohe hei whakatatū i ngā wāhi tika mō ngā waka kawe, mō ngā rori, mō te hiko, mō te ipurangi, mō te wai, me ngā ratonga ipurangi, tokohia hoki te hunga ka whakamahi i aua ratonga.
Whakamahia ai ngā raraunga tatauranga e te kāwanatanga me ngā kaunihera ā-rohe mehemea he rahi ngā whare o Aotearoa mō ō tātou whānau, me whakatū whare hou ki hea, he pēhea hoki te āhua o te pai o ngā whare o ōna tāngata.
Ka whakamahi pea ngā iwi i ngā raraunga tatauranga kia mārama kē atu rātou ki tō rātou iwi, e noho ana ki hea, he pēhea hoki te pai o te noho. Hei āwhina tēnei i ngā mahi whakamahere mō ngā whakatupuranga kei te ara ake, ka noho hoki hei tūāpapa mō ngā whiwhiringa tuku pūtea, whakatū ratonga me ērā atu kōkiri.
Whakamahia ai ngā raraunga tatauranga e ngā umanga hei whiriwhiri take haumi moni, hei tautuhi hoki me pēhea tā rātou whakatutuki hiahia mō ā rātou hua hokohoko, ratonga hoki.
Whakamahia ai ngā raraunga tatauranga e ngā kairangahau kia mārama ki ngā āhuatanga pēnei:
