Hei aawhina te raraunga i te toiora hapori
Naa ngaa moohiotanga tatauranga ka kitea eetahi whaanau 11,000 i Raahui Pookeka e hiahia tautoko ana. Naa eenei kitenga a Tiana Matatahi i whakahihiko kia whakatuuria Pookekatia Te Iwi, kia whai tautoko ai raatou.
Hei aawhina te raraunga i te toiora hapori
Naa ngaa moohiotanga tatauranga ka kitea eetahi whaanau 11,000 i Raahui Pookeka e hiahia tautoko ana. Naa eenei kitenga a Tiana Matatahi i whakahihiko kia whakatuuria Pookekatia Te Iwi, kia whai tautoko ai raatou.
Hei aawhina te raraunga i te toiora hapori
Maa te moohio ki oo taatou hapori ka kitea ngaa waahi e tino hiahia tautoko ana raatou.
Naa ngaa moohiotanga tatauranga ka kitea eetahi whaanau 11,000, me eetahi whare 3,500, i Raahui Pookeka e hiahia tautoko ana. Naa eenei kitenga a Tiana Matatahi me tana tira i whakahihiko kia whakatuuria Pookekatia Te Iwi, kia whai tautoko ai te hunga whakaraerae rawa o te hapori.
I teenei waa tonu kua tukua he mookihi kai, he mookihi akuaku, he rongoaa hoki ki ngaa whaanau 11,000 e mate tautoko ana. Kei te taurima hoki i ngaa tamariki me ngaa kaumaatua – te hunga e tino hiahia ana ki te aawhina.
He tino pai ngaa koorero a ngaa kaumaatua i hoki mai i muri. Kei te kitea tonutia e raatou eetahi panonitanga pai, naa ngaa tautoko taapiri moo te hapori whaanui kee atu i too raatou taha. Ko te tuumanako o Pookekatia Te Iwi kia tukua he tautoko haangai ki te tini o te tangata, kia pai ake ai too raatou tiaki i too raatou hauora, toiora hoki.
[Kitenga aa-Kanohi: He whakaahua whakatopa o Raahui Pookeka, tae atu ki te awa o Waikato, o ngaa whare, me te Paa o Waahi.]
[Kitenga aa-Kanohi: He wahine e tuu ana i waho o te Paa o Waahi]
[Kupu tuhi i te mata: Kyly Anne Callaghan, Te Hua Kawariki, Waahi Paa]
Kyly Anne Callaghan: Naa ngaa moohiotanga tatauranga ka kitea teeraa eetahi whare 3,500, i Raahui Pookeka e tino hiahia tautoko ana, araa 11,000 ngaa mema whaanau.
[Kitenga aa-Kanohi: He tuuao e whakawhata kai ana ki roto i ngaa pouaka, me te hari ngaa pouaka ki teetahi waka roa.]
I whakatuuria a Pookekatia te iwi hei tautoko i ngaa taangata tino rawakore i too maatou hapori, araa, oo maatou kaumaatua me aa taatou peepi.
[Kitenga aa-Kanohi: He roopuu tuuao tokoono, e menemene ana, me te mau haate noo Waahi Paa Pookekatia, me te pupuru pouaka kai.]
Kyly: Ko aa maatou aawhina he mookihi kai, he mookihi akuaku, me eetahi aawhina whaanui moo COVID.
[Kitenga aa-Kanohi: Ka tangohia e teetahi tuuao he pouaka i teetahi waka roa, ka noho i te mahau o te whare, ka paatootoo ai ki te kuuwaha.]
[Kitenga aa-Kanohi: He tangata e noho ana i te pae, e koorero ana.]
[Kupu tuhi i te mata: Koroki Waikai, Raahui Pookeka, Waikato]
Koroki Waikai: He tino pai, he tini hoki ngaa koorero a ngaa kaumaatua i hoki mai i muri moo te ratonga.
[Kitenga aa-Kanohi: [Ka haapainga e Korokii te pouaka, me te taawhiri ki a ratou.]
Ehara i te mea moo te COVID anake, engari moo te toiora o ngaa kaumaatua i te marae me te hapori.
[Kitenga aa-Kanohi: He tuuao e noho ana i teetahi teepu, e mahi ana ki eetahi rorohiko poonaho, me te kata anoo]
[Visual: Ko Kyly kei waho o Te Paa o Waahi.]
Kyly: Ko te whakaaro i ahau, kua tutuki teetahi kaupapa pai.
Maa ngaa iwi, maa ngaa hapuu, maa te whaanau hoki eenei moohiotanga tatauranga. Noo te katoa te tatauranga.
[Kitenga aa-Kanohi: He roopuu taangata e noho ana i mua o Te Paa o Waahi. E puukana ana raatou.]
Maa ngaa iwi, maa ngaa hapuu, maa te whaanau hoki eenei moohiotanga tatauranga. Noo te katoa te tatauranga.
Kyly Anne Callaghan
Pookekatia Te Iwi
