Ka āwhina te raraunga i te rangatahi kia hono ki ngā whāinga wāhi ki te mahi
Ka whakamahia ngā mōhiotanga tatauranga e James Parker o Hāwera Welding Contractors hei rapu rangatahi i roto i Taranaki e hiahia ana ki te mahi, hei rapu hoki i te wāhi e noho rā rātou.
Ka āwhina te raraunga i te rangatahi kia hono ki ngā whāinga wāhi ki te mahi
Ka whakamahia ngā mōhiotanga tatauranga e James Parker o Hāwera Welding Contractors hei rapu rangatahi i roto i Taranaki e hiahia ana ki te mahi, hei rapu hoki i te wāhi e noho rā rātou.
Ka āwhina te raraunga i te rangatahi kia hono ki ngā whāinga wāhi ki te mahi
Ina kitea e te rangatahi he tūranga mahi, he tino painga kei roto mō rātou. Hei painga hoki tēnei mō tō rātou hapori katoa.
Ka whakamahia ngā mōhiotanga tatauranga e James Parker o Hāwera Welding Contractors hei rapu rangatahi i roto i Taranaki e hiahia ana ki te mahi, hei rapu hoki i te wāhi e noho nei rātou.
Kātahi ka tukua e ia he piatanga i tana kamupene; Hāwera Welding Contractors, hei whakatupu i tana tira kaimahi rangatahi.
Ko tā tēnei piatanga he whakangungu i a rātou ki tētahi pūkengatanga mahi, he ara hou i te ao nei, me te pakari ahumoni mō rātou me tō rātou whānau.
[Ororongo: 'Poi E' nā Te Karapu Māori o Pātea]
[Kitenga ā-Kanohi: He whakaahua whakatopa o te rohe o Taranaki.]
[Kitenga ā-Kanohi: He whakaahua whakatopa o tētahi whare ahumahi.]
[Kitenga ā-Kanohi: He tangata e noho ana i roto i tētahi tari.]
[Ngā kupu tuhi i te mata: James Parker, Kaihautū Whakahaere, Hāwera Welding Contractors]
James Parker: Ko te mea ātaahua o te tatauranga, ka kitea e tātou ko hea rawa ngā wāhi e hiahia ai te rangatahi ki te mahi mō rātou, he tokohia hoki e hiahia ana ki tētahi tūranga mahi. Hei āwhina tēnei i a tātou kia tāpae piatanga, kia puta ai he painga mō te tangata i te ao nei.
[Kitenga ā-Kanohi: Ko James me ētahi tamatāne mau hingareti miramira, taupoki kanohi hoki, e hono maitai ana i roto i tētahi whare ahumahi.]
[Kitenga ā-Kanohi: E noho ana tētahi taitama i roto i tētahi tari.]
[Kupu tuhi i te mata: D'arntye 'Biggie' Rore, Pia]
D'arntye 'Biggie' Rore: Kua tino pai ake taku noho. Kua whānui kē atu taku titiro. Kua kitea he ara hou mōku i te ao nei. He maha ngā ara hou, ngā tūranga hou, ngā mahi hou, nē rā. Ka taea e koe te takahi i te nuku i te ao, te kimi mahi me ō pūkenga ahakoa i hea. Kei te hoatu mahi rātou ki te tangata whai pūkenga i ngā wāhi katoa.
[Kitenga ā-Kanohi: He whakaahua o James rātou ko D'arntye ko ētahi atu pia, i te whare ahumahi]
[Kitenga ā-Kanohi: Ko James i roto i tana tari]
James: Inā noa atu te panonitanga o te āhua o te noho mō ētahi o aku kaimahi, kua tahuri ki te hoko whare, kua tae tika mai ki te mahi, kua mōhio ki te painga o te whāinga moni mō rātou, e kaha ai rātou ki te hoko taonga mō rātou. He mea hira tēnei mō te noho a te tangata, ahakoa ko wai.
Kia mōhio mātou kei hea ngā wāhi e hiahia ana te rangatahi ki tētahi mahi, kei reira mātou hei āwhina.
[Kitenga ā-Kanohi: E tū tahi ana a James rāua ko D'arntye i waho, ko Maunga Taranaki i te papamuri. Kei te hōtiki ngā ringa, kei te menemene.]
Inā noa atu te panonitanga o te āhua o te noho mō ētahi o aku kaimahi, kua tahuri ki te hoko whare, kua tae tika mai ki te mahi, kua mōhio ki te painga o te whāinga moni mō rātou, e kaha ai rātou ki te hoko taonga mō rātou. He mea hira tēnei mō te noho a
James Parker
Kaihautū Whakahaere, Hāwera Welding Contractors