Hei āwhina te raraunga i ō tātou hiahia hauora ā-hapori
I whakaatu ētahi mōhiotanga tatauranga he maha tonu ngā tāngata kua nuku mai ki te hapori o Te Kao i Te Tai Tokerau. Nā ēnei mōhiotanga i āwhina te kaihora Whakawhiti Ora Pai kia mārama ki ngā hiahia panoni haere tonu i tēnei hapori, me ōna āhuatanga maha.
Tuatahi, kua āhei rātou kia kite he aha ngā ratonga tāpiri e tika ana kia tāpaetia e rātou ki te iwi, ngā wāhi pai hei tāpaetanga, kia hāngai ki te pikinga taupori. I mōhio hoki rātou kia hia ngā kaimahi hou e tika ai te taumata hora manaakitanga hauora, kei puta mai he whārua i ngā ratonga.
Nā tēnei mōhiotanga hōhonu ki te hapori, nā ngā mōhiotanga tatauranga, i āhei ai rātou ki te tono pūtea hei whakatutuki i ngā hiahia nui atu, e panoni haere tonu nei, o ngā tāngata o Te Kao.
“Me i kāhore ngā raraunga tatauranga, kua kore e taea ā mātou mahi. He mea taketake mō ō mātou tāngata, mō te whakahaere, he mea hira hoki mō ngā ratonga.”
Charlotte Tahitahi-Matiu, Kaimahi Toko i te Ora Rēhita, Whakawhiti Ora Pai