Hei āwhina tēnei mea te raraunga i ō tātou hapori kia whiwhi i ngā āwhina tika mō rātou

Whakamahia ai ngā mōhiotanga tatauranga e Angelina Mose Tuiali'i o THINK Hauora kia āta kite i ngā hiahia hauora o ngā tāngata o Te Moana-Nui-a-Kiwa i Horowhenua me Manawatū.

Angelina Mose Tuialii THINK Hauroa

He uaua kia kitea he mōhiotanga hauora tika mō ngā hapori Moana-nui-a-Kiwa i Horowhenua me Manawatū. Nā tēnei āhua, he maha tonu ngā tāngata kāore e kitea wawetia e ngā ratonga hauora i te rohe, he iti noa tō rātou whai kanohi i roto i ngā whakatau hira.

Whakamahia ai ngā mōhiotanga tatauranga e Angelina Mose Tuiali'i o THINK Hauora kia āta kite i tōna hapori me ngā ratonga e hiahiatia ana e rātou.

Nā ngā mōhiotanga tatauranga ka kitea he maha ngā tāngata kua taka ki te raruraru i te taha whāinga whare, kua wareware ki tahaki e te pūnaha hauora.

Nā tana whiwhinga i ēnei mōhiotanga, i eke tana tono mō ētahi pūtea hei whakatika i ngā hiahia o tana hapori.

Kua kite tonu ia he pēhea te hira o te whai reo kōrero mā te hapori. Ki a ia, “ki te kore koe e tū ki te kōrero, e kore tētahi tangata e tahuri mai ki te mahi i ngā mahi mōu.”

Kua tīmata he kōkiri ā-takiwā i Horowhenua ināianei, nā ngā mōhiotanga raraunga te take. Kua tīmata te taetae mai o ētahi atu raraunga, ākuanei pea ka tautoko mai te hapori.

"Kei te pikinga atu o tō tātou mōhio, ko tō tātou kahanga atu ki te mahi. Mā te tatauranga ka ako tātou i ngā mea e tika ana."

- Angelina Mose Tuiali'i, THINK Hauora

Kei te āwhinatia ō raraunga i tō hapori

Whakamahia ai ēnei raraunga e ngā hinonga kāwanatanga, ngā kaunihera, ngā iwi, e ngā rōpū hapori me ngā umanga kia whakatau take e pā ana ki ngā ratonga ka whakamahia e tātou katoa, me te whakamahere mō aua ratonga.

 

Mā te whai wāhi atu ki te tatauranga kei te āwhina koe kia mārama kē atu te tangata mō tō hapori me ōna hiahia.