Mā te raraunga e āwhina te rangatahi kia eke ki tō rātou tino teitei
E whakawhirinaki ana a Tuilaepa Youth Mentoring Services ki ngā mōhiotanga tatauranga kia mārama ki te āhua o te noho o te rangatahi i tōna hapori, e hiahia āwhina ana kia eke ki tō rātou tino teitei.
Body Copy
I kitea e Robson Tavita tētahi hiahia i roto i tōna hapori. I te wareware atu ētahi rangatahi Moana-nui-a-Kiwa, Māori hoki, i te takamuri rātou. E eke ai ki ngā taumata, me mātua whakaako. E ākona ai rātou, me mātua tautoko.
Koia ka whakatūria e ia a Tuilaepa Youth Mentoring Service (TYMS). Mai o te tau 2010, ko tā TYMS he hora tohutohu, kauwhau tikanga, tautoko hoki mā ngā taiohi tata ki te 2000 me ō rātou whānau, he Māori, he Moana-nui-a-Kiwa te nuinga.
He mea hira ngā raraunga tatauranga mō te tāreitanga o ngā hōtaka o TYMS, nā ngā rangahau i tārei. Hei āwhina tēnei i te tira kia mārama ki te tū o te rangatahi i tō rātou hapori. I runga i tērā māramatanga, ka taea e rātou te tautohu i ngā momo tautoko e tika ana mā te rangatahi.
"Mā ngā raraunga tatauranga kua whai reo koe, kia kitea mai koe."
Dale Rasmussen, Kaiwhakahaere Matua, Tuilaepa Youth Mentoring Service
Nā ngā mahi a TYMS, kua kaha kē atu te piri a te rangatahi ki ō rātou ahurea, ki ō rātou hapori, kura, whānau hoki, me te tū māia, tū rangatira hoki.