Hei homai hiko te raraunga ki a mātou
Nā ngā raraunga tatauranga a Ezra Hirawani, a Ben Armstrong me Nau Mai Rā i āwhina kia tukua he hiko ngāwari te utu ki ngā whānau puta noa i Aotearoa.
Hei homai hiko te raraunga ki a mātou
Nā ngā raraunga tatauranga a Ezra Hirawani, a Ben Armstrong me Nau Mai Rā i āwhina kia tukua he hiko ngāwari te utu ki ngā whānau puta noa i Aotearoa.
Hei āwhina tēnei mea te raraunga i a tātou kia tūhono i ngā whānau ki te hiko ngāwari noa te utu
I kitea e Ezra Hirawani rāua ko Ben Armstrong i roto i ngā raraunga tatauranga, 130,000 ngā whānau i te noho kore-hiko tonu.
I te mea he matua tonu rātou, kāore rātou i hiahia kia uaua te whiriwhiri a ētahi atu whānau i waenga i te kai me te hiko mā rātou.
Koia rātou i tahuri ai ki te whakatū i Nau Mai Rā, tētahi rōpū whakarato i te hiko ngāwari te utu ki ngā whānau. Ka whiwhi ngā whānau puta noa i Aotearoa i te hiko tika mā rātou, ka whiwhi hoki i ērā atu mea taketake mō te ora.
[He ororongo: ‘This Is Home’ nā Troy Kingi]
[He whakaahua: He whakaahua mai i te rangi o ētahi ngahere, takutai hoki i Te Tai Tokerau]
[He whakaahua: He tangata e noho ana i tētahi mahaurangi i mua i tētahi whare]
[Onscreen text: Ezra Hirawani. Kaiwhakatū ngātahi o Nau Mai Rā]
Ezra Hirawani: Nā reira, nā roto i ngā mōhiotanga tatauranga i tae mai ki a māua, i āta kite mārire mātou, 130,000 ngā whānau kei te noho kore-hiko.
[He whakaahua: He whakaahua o Ezra rāua ko tana wahine e tākaro ana me ā rāua tamariki i tētahi papa tākaro]
He whānau tāku. He pāpā ahau. He tamariki āku. Tētahi whakaaro pōuri, arā, āpōpō me tahuri tētahi wahine ātaahua pēnei i tāku wahine ki te kī atu ki ana tamariki ātaahua, rite tonu ki āku, me kōwhiri i waenga i te kaukau mahana, me te kai tōtika i te ahiahi.
Na, kua tahuri māua ki te hāpai i te wero.
[He whakaahua: He whakaahua mai i te rangi o tētahi awa i Te Tai Tokerau]
[Onscreen text: Nā Ezra rāua ko Ben a Nau Mai Rā i whakatū, hei tuku atu i te hiko ngāwari te utu ki ngā whānau.]
[He whakaahua: He whakaahua o tētahi wahine rāua ko tana tamāhine taitamariki i te kāinga, e tunu kai ana, e noho ana hoki i tō rāua rūma noho]
[Onscreen text: Ko Darnell Tua. He kiritaki nō Nau Mai Rā]
Darnell Tua: Ko te rerekētanga nui i hua ake i ā rātou mahi, kei te kā tonu ngā raiti. He āwhina hoki kei roto i te kaupapa nei, mō te utu i ērā atu nama o te wā.
I tētahi wiki, e $27 noa iho taku nama mō te hiko. Kua toe mai he moni mō te kai. Kua taea e au te whakarite hiko mō taku pēpi. Nā taku mahi he maha ngā wai wera mō ana uwhiuwhi. Kua kore noa iho e taumaha.
[He whakaahua: E noho tahi ana a Ezra rātou ko tana wahine ko ana tamariki, e anga ana ki te kāmera. Ka tauawhiawhi te katoa.]
Ezra: Mehemea he raraunga whāiti pai tā tātou mō ngā pīkauranga nui i runga i ngā whānau, ka taea te hanga rongoā hāngai, me te whakatau tikanga hei whakamāmā i aua raruraru.
[He kuputuhi i te mata: Mā ō mōhiotanga tatauranga e āwhina tō hapori.]
Mehemea he raraunga whāiti pai tā tātou mō ngā pīkauranga nui i runga i ngā whānau, ka taea te hanga rongoā hāngai, me te whakatau tikanga hei whakamāmā i aua raruraru.
Ezra Hirawani
Nau Mai Rā
