He rite tonu te pānga mai o te noho taratahi, o te mokemoke, ki ngā tāngata ira whakawhiti, ira kanorau, i ō rātou whānau, i ō rātou whanaunga tūtata hoki. He maha ngā taiohi e kī ana, rērere haere ai rātou ki ngā rūma noho huhua moe ai, kāore e tino hiahiatia i ō rātou kāinga ake.

Koia i tahuri ai a Neo Kenny mai i InsideOUT rāua ko Euan Graham o Zeal Wellington ki te whakamahi raraunga hei tūhono i ngā taiohi  āniwaniwa ki ō rātou hapori, i tētahi wāhi wairua pai, kia tū rātou hei tangata me tō rātou āhua pono. Ko te tikanga o te kaupapa nei, he whakawātea i te wāhi noho mō ngā wheako e mōhiotia ana e te katoa, e noho mai ai he wairua whānau i waho anō o ō rātou kāinga ake.

Kātahi anō ka uia te tangata mō ngā āhuatanga pēnei i te hōkakatanga, i te ira, i ngā rerekētanga āhuatanga ira hoki, hei te Tatauranga 2023. Hei āwhina tēnei i ngā hapori āniwaniwa kia kitea, kia rangona, hei āwhina hoki i ngā ratonga tautoko āniwaniwa pēnei i Zeal Wellington me InsideOUT kia whakapā atu ki te hunga e tika ana.