Ka āwhinatia a Whānau Āwhina Plunket e ngā raraunga kia tautokona ngā tamariki me ō rātou whānau

“Ka tae a Plunket ki tōna 85% o ngā pēpi whānau hou ia tau, ā, hei rōpū mahi aroha e whakawhirinaki ana mātou ki te aroha o ētahi kaituku pūtea tae atu ki ngā tarahiti, ki ngā rōpū tuku takoha, ki ngā kōtuinga me ngā koha a te tangata kia haere tonu ai ā mātou mahi," te kī a Lisa Hawes, te Mātanga Takoha ā-Takiwā a Plunket.

“Hei rōpū ā-motu, me noho matatau a Plunket ki ngā ia hiahia ā-motu. Mā ngā raraunga tatauranga ka taea e mātou te whakatau tata i ngā pāpātanga whānautanga, i ngā taumata korenga e whiwhi, i ngā momo iwi, me ngā panonitanga taupori. E inoi tonutia ana mātou e te hunga whāngai moni kia kōrero mō ēnei tawhā, nā reira he mea taketake te puna raraunga pūmau.”

He mea waiwai te tautohu i ngā hapori e tika ana kia nui atu te tautoko mō rātou, mō ngā mahi a Plunket. Whakamahia ai e Plunket ngā raraunga tatauranga, āna kohinga raraunga hoki i taea mai i ngā pūkete hauora hiko o Plunket, me ngā kōrero ā-waha mai i ngā kaimahi e mahi ana i waenga i te iwi, kia pai ake ai te tautoko i ngā whānau me ngā tamariki kia tupu ai i roto i te hauora.

Tētahi o ngā kaupapa kua tino whai hua mai i te whakamahi raraunga a Plunket ko te Pasifika Beatz Music Toolkit, nāna i hua ake te whakaputanga ki te ao o ētahi waiata 100 ngahau, pāhekoheko hoki kei roto nei ētahi reo o Te Moana-nui- a-Kiwa 10, he ngahau hoki hei waiatatanga mā te whānau.

Me pēnei te kī, ko tā Pasifika Beatz he hora akoranga i tika te whakahāngai ahurea ki ngā ākonga Moana-nui-a-Kiwa taitamariki, me āna whai kia whakapakaritia he herenga ahurea mō rātou. Tētahi hua tino takatika mai i te whakaputanga o Pasifika Beatz ko te kanorau o ngā whānau ka torongia e te kaupapa.

“Kua hoki mai ētahi whakaaro whakamīharo mai i ngā mātua nō ngā hapori Pakitāni, Arapia, Māori, Takatāpui hoki, kua kī mai, he manaakitanga nui te kaupapa mō rātou me ā rātou tamariki. I tino rawe ki a rātou te whāinga wāhi ki te ako i ētahi atu āhuatanga mō ngā ahurea me ngā reo ka kitea i roto i te Pasifika Beatz,” ki tā Lisa.

“He rawe kia kitea te akoranga tahitanga o ā tātou tamariki me ō tātou whānau, me te tupu ngātahi anō. Me kore ake te tautoko o te hunga i mahi tahi nei a Plunket, kua kore rawa anō e kitea e tātou te whāinga hua o ngā kaupapa pēnei i Pasifika Beatz, me te putanga mai hoki o ngā tini hua mō ngā whānau puta noa i New Zealand.”

Ākona ētahi atu kōrero mō te Whānau Āwhina Plunket
Urutomo ki Access Pasifika Beatz, tīkina ake hoki ngā rauemi ako kore-utu