O Le Tusigaigoa 2023 2023 Census information in Gagana Samoa

Sa’ili po ‘o le a le tusigaigoa, aisea tatou te faia ai, pe faapefea fo’i ona e auai.

O Le Tusigaigoa 2023 2023 Census information in Gagana Samoa

Sa’ili po ‘o le a le tusigaigoa, aisea tatou te faia ai, pe faapefea fo’i ona e auai.

O le a le tusigaigoa What is the census

O le tusigaigoa o se su'esu'ega a le atunu'u e faia i le ta'i lima tausaga. O se faitauga aloa’ia a tagata uma i Aotearoa Niu Sila, ma nofoaga latou te nonofo ma aumau ai (fale).

O le isi tusigaigoa e soso o le Aso Lua, 7 Mati 2023.

E fesoasoani le Tusigaigoa i tagata uma ina ia malamalama i le fesuia’iga o iai Aotearoa Niu Sila i le fa’agasologa o taimi. E fesoasoani fo’i i le mālō ma isi faʻalapotopotoga e fuafua ai ‘au’aunaga mo tagata ma nuʻu, e pei o falemaʻi, aʻoga, ma femalaga’iga lautele.

O ai e tatau ona faia le tusigaigoa Who needs to do the census

O tagata uma o lo'o iai i Aotearoa Niu Sila i le aso o le Tusigaigoa, Aso Lua 7 Mati 2023 e tatau ona 'auai i le tusigaigoa. E aofia ai:

  • tagatanu`u Niu Sila
  • tagata nofomau i Niu Sila
  • tagata mai fafo o aumau i Niu Sila
  • tagata asiasi mai fafo i Niu Sila.

E tatau lava ona e fa'atumuina le tusigaigoa pe afai e:

  • te nofo i se nofoaga e lē ‘o se fale
  • te iai i le falema’i
  • leai sou tuatusi
  • te faimalaga pe faigaluega i totonu o Niu Sila.

O mea e fesiligia ai oe i le tusigaigoa What you are asked in the census

O le tusigaigoa e fai ai fesili e uiga ia te oe,o lou fale (le mea e te nofo pe aumau ai), ma soʻo se isi tagata o loʻo nonofo pe aumau i lou fale.

O fa'amatalaga matou te aoina mai ia te oe, o lo'o tu'ufa'atasia ma tali mai tagata uma e maua, ina ia tapena ai fa'amaumauga ma fuainumera e uiga i nofoaga ma nu'u i Aotearoa Niu Sila.

E puipuia e Stats NZ au fa'amatalaga ma lou fa'asinomaga. Matou te faatulaga le auala e mautinoa ai e lē mafai ona fa’ailoaina oe i faʻamaumauga matou te faʻasalalau.

Matou te lē fa'asoaina au tali i so’o se tasi. E oo foi i fa'alapotopotoga a le mālō e pei o le Ministry for Social Development, Kainga Ora, NZ Police, po ‘o le Inland Revenue, e lē tuu iai se faamaumauga se tasi.

Auala e maua mai ai au pepa o le tusigaigoa How you will get your census forms

O le ‘a lafoina atu e Stats NZ ia te oe fa'amatalaga e uiga i le tusigaigoa ma le auala e te auai ai.

  • I nisi vaega o Niu Sila, o le ‘ā asiasi atu se tagata faigaluega o le tusigaigoa ia te oe e momoli uma atu pepa fa’atumu ma se tusi e iai se fa’ailoga fa’alilolilo e fai ai le tusigaigoa i luga o le laina.
  • I isi vaega o Niu Sila, e na ‘o le lafo i fale o se tusi e iai se fa’ailoga fa’alilolilo e fai le tusigaigoa i luga ole laina.

E mafai ona e faia le tusigaigoa i luga o upega tafa`ilagi po 'o le faatumu o le pepa You can do the census online or on paper

Po ‘o le a lava le mea e maua atu e lou fale, e mafai lava ona e filifili e fai le tusigaigoa i luga o le upega tafa`ilagi po 'o faatumu o le pepa.

Afai e te lē mauaina pepa fa’atumu i lou fale, pe e te manaʻomia fo’i nisi, e mafai ona e talosaga mai ia i matou e leai ma se totogi.

E maua pepa fa’atumu i luga o le upega tafa`ilagi i le gagana Peretānia ma gagana e lua o le gagana Maoli / Peretānia. E maua fo'i pepa i le gagana Peretānia i le fa’atulagaga Lolomi Tetele.

O le taimi e fa'atumu ai au pepa o le tusigaigoa When to complete your census forms

E mafai ona e fa'atumu au pepa o le tusigaigoa i le taimi lava e te maua ai. Taumafai e fai i le aso po 'o luma mai o le Aso o le Tusigaigoa i le Aso Lua, 7 Mati 2023.

A e fa’atumu au pepa o le tusigaigoa, ia fai fa’atatau i le nofoaga e te aumau ai i le po o le Aso Lua, 7 Mati 2023.

E mafai lava ona e fa'atumuina pe ‘ā uma le Aso o le Tusigaigoa.

Pe fa'apefea ona fa'atumu au pepa o le tusigaigoa How to complete your census forms

O le tusigaigoa e aofia ai pepa fa’atumu e lua.

  • O le tasi e fa’atatau i lou fale. E ta'ua lea pepa o le Dwelling Form. E na 'o le tasi le tagata i fale ta'itasi e mana'omia na te fa'atumuina lenei pepa. Afai o tou nonofo ma isi, siaki po ‘o ai na te fa’atumuina.
  • O le tasi e fa’atatau ia te oe. E ta'ua lea pepa o le Individual Form. E tatau i tagata ta’itoa’tasi uma i totonu o se fale ona fa'atumu se Individual Form. E tatau i mātua po 'o tausi tagata ona siaki po ‘o ua fa'atumu se Individual Form mo tamaiti, e aofia ai pepe.

Auala e maua ai se fesoasoani mo le fa'atumuina o au pepa o le tusigaigoa How to get help to complete your census forms

Afai e te mana'omia se fesoasoani e fa'atumu au pepa o le tusigaigoa, e mafai ona e fesili i se tasi e te fa'atuatuaina e fesoasoani ia te oe e pei o se:

  • uo
  • tagata o le aiga
  • tagata faigaluega o le tusigigoa e aoina pepa.

E mafai ona e telefoni fua ile laina fesoasoani mo le tusigaigoa. E mafai ona e fesili mo se tasi e tautala i le gagana:

  • Māori
  • Sāmoa
  • Toga
  • Mandarin
  • Cantonese
  • Korea
  • Hindi
  • Punjabi.

O au fa'amatalaga ma tulaga faalilolilo Your information and privacy

Matou te teuina fa'alilolilo ma le saogalemu au tali e te tu'u mai ia i matou. Matou te faia lenei mea e ala i le faʻaaogaina o tulafono ma tulaga faʻapitoa, ma le faʻaaogaina o le tele o faʻamaufaʻailoga o le saogalemu. E leai se tasi e mafai ona iloaina oe po 'o au tali i fesili o le tusigaigoa pe ‘ā matou fa'asalalau fa'amaumauga o le tusigaigoa.