Tūmataitinga

Ka kohia e mātou ētahi mōhiotanga hei tō whakamahinga i tēnei pae tukutuku.

Kimihia ngā whakamārama mō te ahatanga o ō kōrero whaiaro ina peka mai koe ki tēnei pae tukutuku, me ohauru mai rānei ki tō mātou pānuirongo, whakapā mai rānei ki a mātou.

Kimihia he pēhea mātou e whakahaumaru ai i ō mōhiotanga tatauranga

Ka kohi mōhiotanga mātou mō ngā pekanga mai ki tēnei pae tukutuku (census.govt.nz) 

Ka kohikohi anō hoki mātou i ētahi mōhiotanga kia pai ai tā mātou whakautu ki ngā urupare me ngā tono rānei ka tukua e koe ki a mātou, ki te tuku mōhiotanga hoki nāu i ohauru, ki te whakapiki hoki i te pai o tēnei pae tukutuku.

Ka kohia e mātou ngā mōhiotanga e whai ake nei hei tō whakamahinga i tēnei pae tukutuku:

  • ngā pātai, ngā urupare rānei nāu i waiho mai, tae atu ki tō wāhitau īmēra ki te whakaurua e koe ki tētahi puka urupare, ohauru rānei, ki te tukua mai he īmērā rānei e koe.
  • tō wāhitau IP, me ngā taipitopito o te momo pūtirotiro e whakamahi nā koe (pēnei i Chrome, i Safari rānei), tae atu ki te mōhiotanga mehemea i peka mai koe mā tētahi pūrere pūkoro
  • ngā whārangi ka pekangia mai e koe i te pae tukutuku, me ngā hononga nāu i pāwhiri. 

Ka whakamahia a Google Analytics e mātou kia mārama ai mātou ki ngā kaipeka mai ki te pae tukutuku  Safeguarding your data – Google Analytics 

Ngā taputapu a te hunga tuatoru i te puka tatauranga tuihono

Kia mārama ai mātou ki te mahi tahitanga mai a te tangata ki ā rātou puka tatauranga tuihono, ka kohia e mātou ētahi tātaritanga tukutuku whāiti.

Ko ngā take matua ka kohia e mātou mā te whakamahi tātaritanga tukutuku, inā rā:

  • he mōhiotanga mō te roa o te wā whakakī a te tangata i ana puka
  • te wā tonu e wehe atu ai te tangata i te pae tukutuku (ki te kore e oti, e tukua hoki e ia ana puka)
  • te mōhiotanga mō ngā momo pūtirotiro e whakamahia ana e te tangata, mehemea hoki kei te whakamahi pūrere waea pūkoro
  • mehemea kei te uru te tangata ki te pae tukutuku ma tētahi hononga raraunga ine. 

Mā konei ka mārama mātou he aha ngā wāhi uaua mā te tangata, he aha hoki pea he mahi mā mātou ki te āwhina i te whakakīnga puka a te tangata.

E toru ngā āhuatanga tino hira kia mārama te tangata, mō ngā mōhiotanga ka kohia e mātou mā te puka tatauranga tuihono:

  • E kore mātou e kohikohi i ngā mōhiotanga ka whakaurua e koe ki te puka tatauranga, kia pā rawa koe ki te pātene Tuku hei te mutunga o te puka.
  • He ingoa-muna katoa ngā raraunga tātari katoa - e kore mātou e kohikohi mōhiotanga mō te tangata takitahi ka whakamahi i te puka tatauranga tuihono mā ō mātou tātaritanga tukutuku.
  • E kore e taea e mātou te whakataurite ō mōhiotanga i tō puka tatauranga tuihono ki ngā tātaritanga tukutuku ka kohia e mātou. 

Ngā Pihikete

  • Kohia ai e mātou ngā pihikete hei kohi mōhiotanga he pēhea tō whakamahi i tā mātou pae tukutuku. E kore ēnei pihikete e whakaputu i ētahi kōrero whaiaro mōu.
  • Ki te hiahia koe kia kaua e whakamahi pihikete, ka āhei koe ki te whakaweto i aua pihikete, me te āhei tonu ki te whakamahi i tēnei pae tukutuku. Āta tirohia ngā tohutohu āwhina i tō pae tukutuku, kia mōhio ai koe me pēhea te whakaweto i ngā pihikete. Mā te whakaweto i ngā pihikete, ka whakawetohia hoki te aroturuki o Google Analytics. 

Te tiaki i ngā kōrero mōu kia haumaru

I āta kōwhiria te pūhara me ngā utauta e whakamahia ana e mātou mō tēnei pae.

Heoi anō nei te take e whakamahia ai ētahi mōhiotanga nāu i tuku mai, pēnei i tō ingoa me tō wāhitau īmēra, he take nāu tonu i tohu.

Īmēra

E kore e taea e mātou te kī taurangi ka noho tūmataiti, matatapu rawa ngā mōhiotanga ka tukua mai e koe mā te īmēra, inā hoki, he kōwhao tō te ipurangi. Ahakoa tērā, ka puritia kia tūmataiti ngā mōhiotanga nāu i tuku mai, ā, e kore mātou e tiri i tō wāhitau īmēra.

Te tono i ō mōhiotanga

He tika ōu kia tono i tētahi tārua o ētahi mōhiotanga whaiaro mōu kua puritia e mātou. Ka uru ki tēnei ko tētahi mōhiotanga ka tukua mai e koe mā tētahi puka tatauranga, ahakoa mā runga pepa, mā te ipurangi rānei. He tika hoki ōu kia whakatikaina ngā mōhiotanga ehara i te mōhiotanga tatauranga ka puritia e mātou mōu.

Hei tono i tētahi tārua o ō mōhiotanga whaiaro, i tō puka tatauranga rānei, whakapā mai ki tō mātou Pūtahi Mōhiotanga: