கணக்கெடுப்பு என்பது ஐந்தாண்டுகளுக்கு ஒருமுறை நாடுதழுவிய அளவில் எடுக்கப்படும் கணிப்பாகும். இது ஆட்டேரோவா நியூசிலாந்திலுள்ள ஒவ்வொரு நபரின் தலை எண்ணிக்கை மற்றும் அவர்கள் வசிக்கும் அல்லது தங்கியுள்ள (வசிப்பிடங்கள்) இடங்களை பற்றிய விவரங்களை உள்ளடக்கும் அதிகாரபூர்வ கணக்கெடுப்பாகும்.

அடுத்த கணக்கெடுப்பு செவ்வாய்க்கிழமை, 7 மார்ச் 2023 அன்று நடத்தப்படும்.

ஆட்டேரோவா நியூசிலாந்து காலப்போக்கில் எத்தகைய மாற்றத்திற்கு உட்பட்டுள்ளது என்பதை அனைவரும் புரிந்துகொள்ள இந்த கணக்கெடுப்பு உதவும். மருத்துவமனைகள், பள்ளிகள் மற்றும் பொது போக்குவரத்து போன்ற சேவைகளை மக்கள் மற்றும் சமூகங்களுக்கு வழங்க அரசு மற்றும் மற்ற நிறுவனங்களுக்கு திட்டமிடவும் இது உதவும்.

கணக்கெடுப்பில் உங்களை பற்றியும் உங்கள் வசிப்பிடம் பற்றியும் (நீங்கள் வசிக்கும் அல்லது தங்கியுள்ள இடம்) மற்றும் உங்கள் வசிப்பிடத்தில் வசிக்கும் அல்லது தங்கியிருக்கும் வேறெந்த ஒருவரை பற்றியும் கேள்விகள் கேட்கப்படும்.

உங்களிடமிருந்து நாங்கள் சேகரிக்கும் விவரங்கள் மற்ற ஒவ்வொருவரின்   பதில்களுடனும் குழு சேர்க்கப்பட்டு ஆட்டேரோவா நியூசிலாந்திலுள்ள இடங்கள் மற்றும்   சமூகங்களை பற்றி விவரங்கள் மற்றும் புள்ளிவிவரங்களை வழங்க எங்களுக்கு உதவும்.

ஸ்டேட்ஸ் NZ உங்கள் விவரங்கள் மற்றும் அடையாளத்தை பாதுகாக்கும். நாங்கள் வெளியிடும் விவரங்களிலிருந்து உங்களை யாரும் இனம்   கண்டுகொள்ளாமல் இருப்பதை நாங்கள் உறுதிபடுத்துவோம்.

உங்கள் தனிப்பட்ட பதில்களை நாங்கள் யாருடனும் பகிரமாட்டோம். இது சமூக மேம்பாட்டு அமைச்சகம், Kainga Ora, நியூசிலாந்து காவல்துறை அல்லது உள்நாட்டு வருவாய் போன்ற அரசு நிறுவனங்களை உள்ளடக்கும்.

உங்கள் வசிப்பிடத்தில் எது வழங்கப்பட்டாலும் நீங்கள் கணக்கெடுப்பை   ஆன்லைனிலோ காகிதத்திலோ பூர்த்தி செய்ய தேர்ந்தெடுக்கலாம்.

உங்கள் வசிப்பிடத்தில் காகித படிவங்களை நீங்கள் பெறவில்லை அல்லது அதிக படிவங்கள் உங்களுக்கு தேவைப்படுகின்றன என்றால் அவற்றை கட்டணமின்றி நீங்கள் எங்களிடம் கேட்டு பெற்றுக்கொள்ளலாம்.

ஆன்லைன் மற்றும் காகித படிவங்கள் ஆங்கிலம் மற்றும் te reo Māori/ஆங்கிலம் என்ற இருமொழி வடிவில் கிடைக்கின்றன. ஆங்கில காகித படிவங்கள் பெரிய அச்சு படிவத்திலும் கிடைக்கின்றன.

காகித படிவங்களுக்கு விண்ணப்பியுங்கள் 

இலவச தொலைபேசி: 0800 CENSUS (0800 236 787)

கணக்கெடுப்பு இரண்டு படிவங்களை கொண்டது.

• ஒன்று உங்கள் வசிப்பிடத்தை பற்றியது. இதற்கு பெயர் வசிப்பிட படிவம். ஒவ்வொரு வசிப்பிடத்திலும் உள்ள ஒரு நபர் மட்டுமே இதை பூர்த்தி செய்ய வேண்டும். நீங்கள் மற்றவர்களுடன் சேர்ந்து வசித்தால் யார் இதை செய்வது என்று தீர்மானித்து கொள்ளுங்கள்.
• மற்ற படிவம் உங்களை பற்றியது இதற்கு பெயர் தனிநபர் படிவம். ஒரு வசிப்பிடத்திலுள்ள ஒவ்வொரு நபரும் தலா ஒரு தனிநபர் படிவத்தை பூர்த்தி செய்யவேண்டும். கைக்குழந்தைகள் உட்பட தங்கள் குழந்தைகளுக்கு தலா ஒரு தனிநபர் படிவம் பூர்த்தி செய்வதை பெற்றோர்கள் அல்லது பாதுகாப்பாளர்கள் உறுதிசெய்ய வேண்டும்.