Te lauga o tino 2023 2023 Census information in Te Gana Tuvalu (Tuvaluan)
Tauloto me sea te lauga o tino, kaia e fai ei ne matou, kae kau atu koe pefea.
Te lauga o tino 2023 2023 Census information in Te Gana Tuvalu (Tuvaluan)
Tauloto me sea te lauga o tino, kaia e fai ei ne matou, kae kau atu koe pefea.
Sea te lauga o tino What is the census
Te lauga o tino se savea tela e fai i te atufenua saukatoa i taki lima tausaga. Se lauga a te maloo ki tino katoa i luga i Aotearoa Niu Sila, mo koga kola e nofo ei latou.
Te sua lauga tino i te Asolua, po 7 Mati 2023.
Te lauga a tino e fesoasoani ki tino katoa ke malamalama me mafuli pefea Niu Sila i te gasologa o te taimi. E fesoasoani foki ki te maloo mo nisi fakapotopotoga o palani olotou sevesi mo tino maise tokoukega o tino, pela mo fakaimasaki, akoga, mo mea ololomalaga o tino.
Ko oi e tau o fai ne ia te lauga o tino Who needs to do the census
Tino katoa kola i luga i Niu Sila i te aso o te lauga o tino, Asolua po 7 Mati 2023 e tau katoa o kau atu ki te lauga o tino. Mea nei e aofia ei:
- tino Niu Sila (citizens)
- tino nofo mau i Niu Sila (permanent residents)
- tino mai tua e nofo i Niu Sila nei
- tino asiasi mai ki Niu Sila.
Koe e tau foki loa o fakafonu te lauga o tino mafai koe:
- Nofo i se koga tela se io koe te fale
- e i loto i fakaimasaki
- Seai sou fakatuatusiga
- E faimalaga io me galue i loto i Niu Sila.
Nea mea ka fesili atu i loto i te lauga o tino What you are asked in the census
Te lauga tino ka fakafesili atu a fesili e uiga kia koe, tou koga nofo (koga tela e nofo koe i ei), pela foki mo nisi tino kola e nofo i te koga e nofo koe i ei.
A fakamatalaga e maua ne matou mai ia koe, e tuku fakatasi mo tali a nisi tino ke maua mai fakamatalaga mo mea tau fuainumela ki luga i kogakoga mo lukuga tino i Aotearoa Niu Sila.
Matagaluega o Fuainumela NZ ka puipui ou fakamatalaga mo iloga. Matou e taumafai ke moaa e mafai o iloa koe mai fakamatalaga kola e fakasalalau ne matou
Se mafai o fakailoa au tali totino ki sua tino. Mea nei e aofia ei fakapotopotoga a te maloo pela mo Minsituli o Atiakega o tuu mo aganuku, Kaiga Ora, Pulusimani i Niu Sila, mo matagaluega tae lafoga.
E maua pefea au pepa o te lauga o tino How you will get your census forms
Matagaluega o fuainumela o NZ ka fakaoko atu ne ia fakamatalaga ki luga i te lauga o tino kae fakatoka pefea.
- I nai koga o Niu Sila, a tino galue mai te kau lau tino ka asiasi atu kia koe o fakaoko atu a te pepa mo te tusi mo se fakataliaga ke fai ne koe te lauga o tino i luga i te initaneti.
- I nisi koga o Niu Sila, a koga nofo ka maua fua ne latou se tusi mo te fakasaolotoga ke fai ne koe te lauga o tino i luga i te initaneti.
E mafai ne koe o fai te lauga o tino i luga i te initaneti io me i pepa You can do the census online or on paper
Tiga mea sea te mea e maua ne tou fale, e mafai loa ne koe o fili me fai ne koe te lauga o tino i luga i te initaneti io me i pepa.
Kafai e se maua ne koe ne pepa i tou fale, io me koi manako koe ki ne mea, e mafai ne koe o fakailoa mai kia matou kae seai se totogi.
Online io me ni pepa e maua katoa i te gana palagi mo sua gana te reo Maori/Palagi. Pepa faka palagi e maua foki i veaga lomiga lasi.
Fakamauaga o pepa
Telefoni seai se Togi: 0800 CENSUS (0800 236 787)
E fakaoti mafea tau pepa o te lauga a tino When to complete your census forms
E mafai ne koe o fakafonu tau pepa o te lauga o tino i te taimi loa e maua ne koe. Taumafai o fai te mea nei mai mua io me i te Aso o te lauga tino Asolua, po 7 Mati 2023.
E fakafonu ne koe mafea tau pepa o te lauga tino, e fakafonu ne koe i te koga e nofo koe i ei i te po o te Asolua, po 7 o Mati 2023
Koi mafai loa ne koe o fakafonu a mea kona mai tua o te aso o te lauga tino.
E fakafonu pefea tau pepa o te lauga a tino How to complete your census forms
Te lauga a tino e lua vaega pepa.
- E tasi ko te koga e nofo koe i ei. Mea nei e fakaigoa ko te Pepa o Tou Koga Nofo. E tokotasi fua a te tino e mafai ne ia o fakafonu te pepa tenei mai tou kaufale. Kafai koe e nofo mo nisi, onoono me ko oi e fakafonu ne ia.
- E tasi ia koe totino. Mea nei e fakaigoa Pepa Totino. Tino katoa e nofo i tou fale e tau katoa o fakafonu te pepa tenei. Matua mo fatama e manakogina ke onoono ki Pepa Totino a tamaliki ke fakafonu, aofia ei a pepe.
- se mea faigaluega e isi ei se initaneti, pela me se smartphone, computer, io me se tablet
- isi sau initaneti
- E isi se saolotoga totino o tou kaaiga, tela e tusi i tau tusi o te lauga o tino.
- Tala tau initaneti i tau smartphone, tablet io me i tau computer.
- Taipa ki loto www.consus.govt.nz ke fano koe ki te website o te lauga o tino.
- Paki te pate tela e fai pela ‘Start your census’.
- Taipa ki loto tou saolotoga.
- Paki te pate tela ‘Start’.
- E tokotasi fua e manakogina ke fakafonu ne ia te Pepa Fakamatalaga o tou kaaiga. E manakogina ke fakafonu mua te pepa tenei.
- E tokotasi mai tou kaaiga e tau o fakafonu ne ia te Pepa o tou koga nofo.
- Tino katoa i tou kaaiga e tau o fakafonu se Pepa Totino.
- paki i konei ‘Submit’ manafai ko oti au pepa taki tasi
- sa pono io me toe fakafou ne koe se feitu pepa manafai ko fakafonu tau pepa
- sa manava te fakafonuga o tau pepa ki se leva e 20 minute.
- Pepa o fakamatalaga o tou kaaiga
- Pepa o tou koga nofo
- Pepa totino a tino katoa kola e nofo i tou koga nofo.
- fakaaoga se polopeni lanumoana io me uli
- tusi ki MATAIMANU LASI
- tusi au tali fakapalagi io me i te reo Māori
- onoono ki tusi fakatonutonu mo se fesoasoani
- Pepa o tou koga nofo
- Pepa totino a tino katoa kola e nofo i tou koga nofo
Ke fai te lauga o tino i luga i te initaneti, e manakogina ko koe ke:
Te saolotoga totino o tou kaaiga
Tou saolotoga e maua i te feitu ki mua o tau tusi o te lauga o tino kae e pulutaki a napa mo mataimanu e 12
E fakaaoga fua ne tino kola e nofo i tou fale.
Kafai ko galo tou saolotoga, e mafai koe o fakatagi mo te sua mea mai ia matou.
Telefoni seai se Togi: 0800 CENSUS (0800 236 787)
Fakatagi mo se salotoga mo te initaneti.
Fakamauaga o tau pepa i te initaneti
Tautali ki fakatonuga konei ke mafai o maua tau pepa i luga i te initaneti.
Nei la koe ko maua ne koe te pepa o te lauga a tino o tou kaaiga.
Fakafonuga tau pepa i luga i te initaneti
I luga i te initaneti e isi se sua pepa (e tolu a pepa), ko te Pepa o te Fakamauga o tou kaaiga. Mea nei e fakamaonia ai tou fakatuatusiga mo igoa katoa o tino e nofo i tou fale.
Kafai ko oti tau pepa o te lauga o tino i luga i te initaneti:
Ko oti ne fakafonu tau pepa o te lauga tino 2023 i luga i te initaneti manafai ko oti a tou kaaiga ne fakafoki atu:
Fakafonuga o tau pepa
Kafai koe e fakafonu tau pepa:
Fakafokiga o au pepa ne fakafonu
Ka maua ne koe se teu tusi tela seai sena togi fakatasi mo au pepa.
Tena uiga ka oti ne fakafonu ne koe a pepa katoa, ko mafai ei ne koe o meli ki te matagaluega o fuainumela NZ seai sena togi. Se manakogina se stamp o fakapiki ki te teutusi.
Onoono me ko oti katoa aofia katoa a pepa kola ko oti ne fakafonu koi tuai o meli ne koe te teutusi o fakafoki. Fakamolemole fakafoki ki te Manatgaluega Fuainumela NZ:
E mafai foki ne koe o fai mai ke isi se tino e fanatu o puke mai a lua pepa.
Telefoni seai se Togi: 0800 CENSUS (0800 236 787)
E maua pefea se fesoasoani o fakafonu tau pepa o te lauga o tino How to get help to complete your census forms
Kafai e manako koe ki se fesoasoani o fakafonu tau pepa o te lauga o tino, e mafai ne koe o fai ki se tino tela e talitonu koe ki ei pela mo:
- taugasoa
- tino o te kaaiga
- tino galue i te lauga o tino.
E mafai ne koe o telefoni ki te laina fesoasoani a te lauga o tino e seai se togi 0800 CENSUS (0800 236 787).
E mafai ne koe o fesili ki se tino e faipati faka:
- Māori
- Samoa
- Tongan
- Mandarin
- Cantonese
- Korean
- Hindi
- Punjabi.
Te motou kau o te lauga o tino ka fai ne latou ne fakaasiga i koga valevale o fesoasoani ki tino i te fakafonuga o lotou pepa o te lauga o tino.
Ou fakamatalaga kae seai aka se tino e iloa ne ia Your information and privacy
E tausi ne matou au tali ne maua ne matou ke seai se tino e iloa ne ia kae saogalemu. E fai ne matou mea nei i te fakaaoga tulafono mo tulaga, mo te fakaaogaaga uke levolo o puipuiga. Seai se tino e mafai o iloa koe io me ko ko tau tali ki fesili o te lauga a tino manafai ko fakasalalau fakamatalaga o te lauga o tino.
