Na wili Lewenivanua 2023 2023 Census information in Fijian (Vosa Vakaviti)
Vulica se cava na wili lewenivanua, na vuna eda cakava kina, kei na sala e rawa ni o vakaitavi kina.
Na wili Lewenivanua 2023 2023 Census information in Fijian (Vosa Vakaviti)
Vulica se cava na wili lewenivanua, na vuna eda cakava kina, kei na sala e rawa ni o vakaitavi kina.
Na cava na wili lewenivanua What is the census
Na kumuni ni tukutuku ni lewenivanua e dau caka ena vei lima na yabaki. Oqo e dua na iwiliwili vakadonui ni tamata yadua e Aotearoa Niu Siladi, kei na veivanua era vakaitikotiko se vakavale kina (itikotiko).
Na wili lewenivanua ka tarava ena vakayacori ena Tusiti, 7 ni Maji 2023.
Na wili lewenivanua e vukei ira na tamata kecega me ra kila na sala sa veisau kina ko Niu Siladi ena toso ni gauna. E vukea talega na matanitu kei na vei soqosoqo tale eso me ra tuvanaka na veiqaravi me baleti ira na tamata kei na itikotiko, me vakataka na valenibula, koronivuli, kei na sala ni veitosoyaki raraba.
O cei ka gadrevi me na vakaitavi ena wili lewenivanua Who needs to do the census
O ira kece era tiko e Aotearoa Niu Siladi ena Siga ni Wili Lewenivanua, Tusiti 7 ni Maji 2023 me ra vakaitavi ena wili lewenivanua. Oqo era okati kina na:
- Lewenivanua e Niu Siladi
- Vakaitikotiko tudei e Niu Siladi
- ko ira na leweni vanua tani tiko e Niu Siladi
- vulagi mai na veivanua tani tiko e Niu Siladi.
Se dodonu tikoga mo vakalewena na wili lewenivanua kevaka o:
- tiko ena dua na vanua e sega ni vale
- tiko e valenibula
- e sega na nomu itikotiko
- e gade tiko se cakacaka e Niu Siladi.
Na veika o na tarogi kina ena wili lewenivanua What you are asked in the census
Na wili lewenivanua ena vakataroga na veika me baleti kemuni, nomuni itikotiko (na vanua o vakaitikotiko se vakavale kina), kei ira na tamata era tiko se valevata kei iko ena nomuni itikotiko.
Na itukutuku keimami kumuna vata mai vei kemuni, e tuvai vata kei na nodra isau ni taro na kena vo me vakarautaki kina na itukutuku kei na iwiliwili me baleta na veivanua kei na itikotiko e Aotearoa Niu Siladi.
Na itukutuku kumuni ni Stats Niu Siladi e taqomaka na nomu itukutuku kei na nomu ivakatakilakila. Keitou sa vakadeitaka ni na maroroi na kemuni itukutuku ka na sega ni rawa ni kilai ena itukutuku keimami tabaka.
Keimami na sega ni wasea na nomuni isau ni taro yadua vua e dua. Oqo e okati kina na veisoqosoqo vakamatanitu me vaka na Tabacakacaka Veiqaravi ni Vakatorocaketaki ni Veimaliwai (MSD), Na Kainga Ora, Ovisa ni Niu Siladi, se Na Tabana ni Vakacavacava (IRD).
Na sala mo na taura kina na nomu fomu ni wili leweni vanua How you will get your census forms
Na Stats Niu Siladi ena vakauta yani vei iko na itukutuku me baleta na wili leweni vanua kei na iwalewale mo vakaitavi kina
- Ena so na yasa ni vanua mai Niu Siladi, ena sikovi iko e dua na vakailesilesi ni wili lewenivanua me solia na fomu pepa kei na dua na ivola ka tiko kina e dua na naba vuni ni kena caka na wili lewenivanua ena initaneti.
- Ena veivanua tale eso e Niu Siladi, ena vakau walega e dua na ivola ka tiko kina e dua na naba vuni ni kena vakaleweni na wili lewenivanua ena initaneti.
E rawa ni o cakava na wili lewenivanua ena initaneti se ena pepa You can do the census online or on paper
Se vakacava na ka o na cigoma e na nomuni itikotiko, sa rawa mo ni digitaka mo ni cakava na wili lewenivanua ena initaneti se ena dua na fomu pepa.
Kevaka o sega ni taura e dua na fomu pepa mai nomu itikotiko, se o gadreva eso tale, sa rawa mo otataka mai vei keimami ka sega ni saumi.
Na fomu ena komupiuta kei na pepa era sa vakarautaki tu ena vosa Vakaperitania kei na vosa cokovata vaka te reo Maori/Vakaperitania. Sa vakarautaki tale tu ga na fomu pepa Vakaperitania ena mata ni vola Levu.
Otataka na fomu pepa
Talevoni sega ni saumi: 0800 CENSUS (0800 236 787)
Na gauna cava me vakacavari kina na nomu fomu ni wili lewenivanua When to complete your census forms
Ko sa rawa mo vakalewena na nomu fomu ni wili lewenivanua ena gauna ga o taura kina. Tovolea mo cakava oqo ena siga se bera na Wili Lewenivanua ena Tusiti, 7 ni Maji 2023.
Ni ko vakalewena na fomu ni wili leweni vanua, mo cakava oqo ena vanua o tiko kina ena bogi ni Tusiti, 7 ni Maji 2023.
E se rawa tikoga ni o vakaleweni ira ni oti na Siga ni Wili Leweni vanua.
Na sala ni kena vakaoti na fomu ni wili lewenivanua How to complete your census forms
E okati ena wili leweni vanua e rua na fomu.
- E dua e baleta na nomuni itikotiko. Oqo e vakatokai me Dwelling Form. E dua walega na tamata ena itikotiko yadua me na vakalewena na ka oqo. Kevaka o tiko vata kei ira tale eso, raica o cei me na cakava oqo.
- E dua e baleti iko. Oqo e vakatokai me Individual Form (Fomu ni Tamata Yadua). Na tamata kece era tiko ena dua na itikotiko e dodonu me ra vakalewena e dua na Individual Form. E dodonu vei ira na itubutubu se dauveiqaravi me ra raica ni sa vakaleweni na Fomu ni Tamata Yadua (Individual Form) me baleti ira na gone, okati kina na gonelalai.
- e dua na misini lailai e tiko kina e dua na barausa ni initaneti, me vakataka e dua na talevoni vuku, komupiuta, se tebeleti
- curu ki na initaneti
- na naba vuni ni curu vakaitaukei ni nomu matavuvale, ka tiko ena nomu ivola ni wili lewenivanua.
- Dolava e dua na barausa ni initaneti ena nomu talevoni vuku, tebeleti, se komupiuta
- Taipataka www.census.govt.nz mo gole ki na mataveilawa ni wili lewenivanua.
- Kiliki ena bulukau e tukuna na 'Tekivuna na nomu wili lewenivanua'.
- Vakacuruma na naba vuni ni curu ni nomu matavuvale
- Kiliki ena bulukau ni 'Start'.
- E dua walega na tamata ena nomu itikotiko e gadrevi me vakalewena na Fomu ni Household Setup Form. E dodonu me ra cakava mada e liu na ka oqo.
- E dua walega na tamata ena nomuni itikotiko e gadrevi me vakalewena na Dwelling Form.
- Sa gadrevi vei ira kece na tamata era tiko ena nomuni itikotiko me ra vakalewena e dua na Individual Form.
- kilikitaka na bulukau ni 'Submit' ni ko sa vakalewena oti na fomu yadua
- kakua ni sogota se vakavouya e dua na drauni pepa ena gauna e vakaleweni tiko kina e dua na fomu
- kakua ni vakacegu vakalailai mai na dua na fomu me sivia e 20 na miniti.
- Na Household Setup Form
- Na Dwelling Form
- e dua na Individual Form me baleti ira yadua na tamata era tiko ena nomuni itikotiko.
- vakayagataka e dua na peni karakarawa se loaloa
- vola ena MATANIVOLA LEVU
- vola na nomu isau ni taro ena vosa Vakavalagi se na te reo Maori
- raica na idusidusi ni veivuke
- Na nomuni Dwelling Form
- e dua na Individual Form me baleti ira yadua na tamata era tiko ena nomuni itikotiko.
Mo cakava na wili lewenivanua ena initaneti, o na gadreva:
Na naba vuni ni curu vakaitaukei ni nomu matavuvale
E rawa ni kune na nomu naba vuni ni curu e liu ena nomu ivola ni wili lewenivanua ka veicurumaki kina e 12 na naba kei na matanivola.
Me ra vakayagataka ga na tamata era vakaitikotiko se tiko ena nomuni itikotiko.
Kevaka o sa vakayalia na nomu naba vuni ni curu, sa rawa mo kerea e dua tale mai vei keitou.
Talevoni sega ni saumi: 0800 CENSUS (0800 236 787)
Kerea e dua na naba vuni ni curu ena initaneti.
Raici ni nomu fomu ena initaneti
Vakamuria na ivakasala oqo mo raica kina na nomu fomu ena initaneti.
Sa na rawa ni o vakayagataka oqo na fomu ni wili lewenivanua ni nomu matavuvale.
Vakacavara na nomu fomu ena initaneti
E tiko ena initaneti na ikatolu ni fomu ni wili lewenivanua, na Household Setup Form.Oqo ena vakadeitaka na vanua ko vakaitikotiko kina kei na yacadra na tamata era tiko e vale.
Ni sa vakacavari na nomu fomu ni wili lewenivanua ena initaneti:
Ko sa vakacavara ena initaneti na 2023 Wili lewenivanua ni sa vakau oti na nomu fomu ni itikotiko (dwelling form):
Vakalewena na nomu fomu pepa
Ni ko sa vakalewena na fomu pepa:
Vakalesuya mai na nomu fomu pepa
O na taura mai e dua na waqanivola sega ni saumi na kena vakauti vata kei na nomu fomu pepa.
Sa kena ibalebale ni gauna ga o sa vakalewena kece kina na nomu fomu pepa, sa rawa mo vakauta lesu ki na Stats NZ ka sega ni saumi. Ena sega ni gadrevi mo biuta e dua na sitaba ena waqanivola.
Raica ni o sa vakacuruma kece tu na fomu sa vakaleweni oti ni bera ni vakau lesu na waqanivola. Yalovinaka vakauta lesu tale ki na Stats NZ:
E rawa talega ni o kerei keitou me dua e sikovi iko me tomika mai na nomu fomu.
Talevoni sega ni saumi: 0800 CENSUS (0800 236 787)
Na sala mo vukei kina mo vakalewena na fomu ni wili lewenivanua How to get help to complete your census forms
Kevaka ko gadreva na veivuke mo vakalewena na fomu ni wili lewenivanua, e rawa ni o kerea e dua ko nuitaka me vukei iko mevaka edua na:
- I tokani
- lewe ni matavuvale
- dau kumuna na wili leweni vanua.
E rawa ni o veitaratara ena talevoni ni tabana ni wili lewenivanua mo kerea na veivuke sega ni saumi ena 0800 CENSUS (0800 236 787)
- Māori
- Samoan
- Togan
- Mandarin
- Cantonese
- Korean
- Hindi
- Punjabi.
Era na vakaduria tiko na vatavata ni veivuke na neitou timi ni wili lewenivanua ena veivanua duidui eso me ra vukei kina na tamata me ra vakalewena vakaoti na nodra itavi ni wili lewenivanua.
Na nomu ivakamacala kei na nomu taqomaki Your information and privacy
Keimami na maroroya vakatikitiki ka taqomaka na isau ni taro o ni solia vei keimami. Eda cakava oqo ena noda vakayagataka na lawa kei na ivakatagedegede, kei na noda vakayagataka na mataqali veitaqomaki veitaqataqavi. E sega ni dua e rawa ni kilai iko se na nomu isau ni taro ni wili lewenivanua ena gauna eda soli kina na itukutuku ni wili lewenivanua.