Ko wai ka hiahia ki te tatauranga?
Me mātua whakakī tētahi puka tatauranga mō ngā tāngata me ngā kāinga katoa i Aotearoa.
Ko te whāinga o te tatauranga kia tauria ngā tāngata katoa i Aotearoa. Ka uru ki ēnei ko:
- ngā tāngata kei uta
- ngā tāngata e noho ana i tētahi poti, i tētahi kaipuke rānei i ngā moana o Aotearoa
- te hunga noho i tāwāhi i te nuinga o te wā, engari kei konei kei Aotearoa i te rā o te tatauranga
- te hunga e puta mai ana mā Aotearoa, pēnei i ērā i ngā pekanga wā poto ki ngā tauranga rererangi
- te hunga i ngā whare herehere wā roa, wā poto hoki
- te hunga i ngā hōhipera
- te hunga e noho hōpuni ana, e noho ana rānei i tawhiti i ngā wāhi i te tuawhenua, i ngā wāhi taratahi rānei, e noho ana i ngā moutere i ngā moana o waho rānei hei wāhi mahi, hei kawe rangahau rānei
- te hunga katoa e noho ana i tētahi wharau nō Te Papa Atawhai, i tētahi tūnga hōpuni rānei
- te hunga kāore i te whai whare tūturu, e noho ana rānei i ngā tiriti, i tētahi tāwharau mō te rawakore rānei
- ngā kōhungahunga me ngā pūhou
- ngā tāngata katoa i ngā whare māngai kāwanatanga, tae atu ki ā rātou kaimahi
- ngā hōia me ngā kaitautoko hōia i tāwāhi me ō rātou whānau i Aotearoa (tae atu ki te hunga i ngā moana ā-takiwā o Aotearoa)
- ngā tāngata ehara i te kirirarau, i te hunga noho i Aotearoa rānei, tae atu ki ērā kāore i te whai mana te noho mai i Aotearoa. he haumaru noa iho tō whāki mai i ēnei kōrero; kāore mātou e uiui i a koe mō tōu tika kia noho i Aotearoa, ā, kāore hoki ō kōrero e tiria e mātou ki tētahi atu, ahakoa ko wai.
Mehemea e noho ana koe i Aotearoa, mehemea he kirirarau, he tangata noho tūturu rānei koe ki Aotearoa, engari kei tāwāhi kē koe i te rā o te Tatauranga, e kore koe e mate ki te whakakī puka tatauranga.
Mō ngā whāinga o te tatauranga, ka uru ēnei takiwā ki Aotearoa:
- Te Ika-a-Māui me te Waipounamu
- Rakiura
- Wharekauri/Rēkohu
- Ngā moutere katoa i Tīkapa Moana
- Ngā moutere katoa o Rangiāhua
- Ngā moutere o Te Tātua-a-Riukiuta
- Tūhua
- Mōtītī
- Whakaari
- Moutohorā
- Hauriri
- Tinihēti
- Moutere Mahue
- Mauka Huka
- Motu Ihupuku
- Ērā atu moutere katoa ka kapi i tētahi kaunihera ā-takiwā, ā-rohe rānei ngā wai i te taha o ēnei wāhi .
Ngā kāinga ehara i te tūmataiti
Me whakakī hoki te tatauranga e te hunga e noho tūturu ana, e noho ana rānei mō tētahi wā i tētahi kāinga ehara i te tūmataiti i te pō o te tatauranga. Ko te rerekētanga matua i ēnei whare, me whakakī koe i tētahi Puka Takitahi anake. Inā rā ētahi, ko:
- Ngā kāinga noho manaaki kaumātua
- Hōhipera tūmatanui
- Hōhipera tūmataiti
- Whare kāinga noho, manaakitanga hapori hoki
- Whare toko-i-te-ora
- Whare mātauranga
- Whare hāhi
- Whare herehere, whare whakatikatika rānei
- Kāinga ope taua
- Whare moe mō te rawakore
- Kāinga hōtērā, mōtēra, manuhiri rānei
- Whare āwhina ohotata/whakawhiti
- Whare pōrini
- Puni hararei/wāhi whakatū puni
- Puni mahi, hangahanga, whakangungu rānei
- Puni taiohi
- Kāinga mō ngā kaimahi tokomaha
- Kaipuke arumoni i te moana
- Marae me ōna whare
- Tauranga Rererangi